Prèske tout peyi a kapab resevwa gwo lapli nan finisman jouen jedi 1e Dawout la akoz pasaj yon ond twopikal sou Ayiti, selon sa pwoteksyon sivil ak sèvis meteyo nan peyi a fè konnen nan dènye bilten sou kondisyon tan an.
Aktivite lapli yo ap vin pi plis akoz imidite ki gen nan mas lè a epi yo ka pwovoke inondasyon nan kèk katye, sitou sa ki nan depatman Lwès, Latibonit, Nòdès ak Sant. Se pou sa pwoteksyon sivil mande pou popilasyon an rete veyatif epi swiv konsiy sekirite yo.
#𝐀𝐲𝐢𝐭𝐢#𝐌𝐞𝐭𝐞𝐲𝐨 🌧🌀🌦 𝐉𝐞𝐝𝐢 𝟏𝐲𝐞 𝐎𝐮𝐭 𝟐𝟎𝟐𝟒:. Ond twopikal (OT26) ap vanse sou zile Ayiti a. Pasaj li kapab pwovoke aktivite lapli sou depatman 𝐒𝐚𝐧𝐭, 𝐋𝐚𝐭𝐢𝐛𝐨𝐧𝐢𝐭 𝐚𝐤 𝐤𝐞̀𝐤 𝐳𝐨̀𝐧 𝐧𝐚𝐧 𝐋𝐰𝐞̀𝐬, nan finisman jounen an ak aswè a. pic.twitter.com/cJFs5Pkl9E
— Pwoteksyon sivil (@Pwoteksyonsivil) August 1, 2024
Lapli ka tonbe nan fen jounen an ak nan aswè jodi jedi 1e Dawout la, selon previzyon sèvis meteyo peyi a.
Pi lwen, sèvis meteyo mande navigaté bato yo pou yo fè anpil pridans paske lanmè a ka move sou kot Nò, Sid ak Gòlf Lagonav la.
Yon lòt bò, popilasyon an ka gen yon ti rale souf ak chalè a ki ap bese akoz pasaj ond twopikal la. Tanperati minimal la ka menm desann jiska 22 degre Celsius.
N ap raple ond twopikal sa kapab transfòme an depresyon twopikal nan weekend nan epi li gen 60% chans pou l ta vin yon siklòn twopikal nan 7 pwochen jou k ap vini la yo.
